Qasym-Jomart Toqaev Koreıa Respýblıkasynyń Prezıdenti laýazymyna saılanǵan Iýn Sok Ioldi quttyqtap, tabysty qyzmet etýine tilektestik bildirdi, dep habarlaıdy Egemen.kz Aqordanyń resmı saıtyna silteme jasap.
«Elińizdiń baıandy órkendeýin jalǵastyrýǵa, dúnıejúzilik qaýymdastyqtaǵy bedelin asqaqtatýǵa baǵyttalǵan ıgi isterińiz ben tyń bastamalaryńyz árdaıym tabysty bolýyna tilektespin. Qazaqstan men Koreıa arasyndaǵy dástúrli dostyq pen ózara qoldaý rýhynda damyp jatqan keńeıtilgen strategııalyq seriktestigimizdi búginnen de bıik belesterge kóterý maqsatynda Sizben kúsh-jiger jumyldyrýǵa daıyn ekenimdi rastaımyn», delingen quttyqtaý hatta.
Qasym-Jomart Toqaev Iýn Sok Ioldiń asa jaýapty qyzmetine sáttilik jáne dostas koreı halqyna tolassyz qut-bereke tiledi.