Áńgime Zulqarnaı Aldamjar atyndaǵy Qostanaı áleýmettik-tehnıkalyq ýnıversıteti jaıynda bolyp otyr, dep habarlaıdy Egemen.kz Bilim jáne ǵylym mınıstrligine silteme jasap.
Buǵan deıin QR BǴM Bilim jáne ǵylym salasyndaǵy sapany qamtamasyz etý komıtetine ýnıversıtet qyzmetkerlerinen oqý ordasyna qatysty shaǵymdar kelip túsken bolatyn. Bul ýnıversıtette jospardan tys tekserý júrgizýge sebep boldy. Nátıjesinde komıssııa tekserý paraǵynyń 46 tarmaǵynyń 35-i boıynsha zańsyzdyqtardy anyqtady.
«Bizdiń basty mindetimiz – elimizde bilim men kadrlar daıarlaýdyń sapasyn arttyrý. Eger búgin ýnıversıtetter tıisti talaptarǵa saı bolmasa, onda erteń bilimi men biliktiligi jumys berýshilerdiń suranysyna saı kelmeıtin mamandardy shyǵaramyz. Árıne, tekserý jáne lısenzııany qaıtaryp alý – bul sapaly bilim berýdi emes, tek paıda tabýdy birinshi orynǵa qoıatyndar úshin tıimsiz shara. Mınıstrlik birinshi tekserýden keıin JOO basshylyǵyna buzýshylyqtardy joıýǵa ýaqyt berdi. Biraq olar sot talqylaýlaryna ýaqyt jumsaýdy jón sanap, kemshilikti joıýǵa asyqpady. Árıne, bul ýnıversıtettiń jabylý ýaqytyn edáýir keshiktirip, stýdentterden tólem túrinde kiris alýǵa múmkindik beredi», dedi komıteti tóraǵasynyń orynbasary Mánshúk Ábdikárim.
Onyń aıtýynsha, ýnıversıtet qyzmetine qatysty shaǵymdar 2020 jyldan bastap túse bastaǵan. О́z kezeginde ýnıversıtet basshylyǵy tekserý nátıjelerine shaǵym túsirdi. Alaıda, birinshi jáne ekinshi satydaǵy sottardyń sheshimderimen komıtettiń tekserý nátıjeleri boıynsha barlyq ákimshilik akti ózgerissiz qaldyrylyp, ýnıversıtettiń shaǵymdary qanaǵattandyrylmady. Endi ony Joǵarǵy sot qaraıdy.
Sonymen qatar komıtettiń sheshimimen ýnıversıtet bas lısenzııasynan aıyryldy. Bul sheshimge qatysty da ýnıversıtet tarapy sotqa shaǵymdandy.