Byltyrǵy sanaq deregine sáıkes Atyraý oblysynda 657 110 adam turady. Bul rette turǵyndarǵa medısınalyq qyzmet kórsetetin 40 memlekettik, 51 jeke medısınalyq mekemeniń jaǵdaıy qandaı? О́tken aptada Densaýlyq saqtaý mınıstri Ajar Ǵınııat Atyraý oblysyna arnaıy kelip, medısına mekemeleriniń ahýalymen tanysty.
Máselen, Bereke aýylynda bir aýysymda 25 adamǵa medısınalyq qyzmet kórsetetin ambýlatorııaǵa 3 044 adam tirkelgen. Tirkelgenderdiń arasynda 800 jasóspirim, onyń ishinde bir jasqa deıingi 160 bala bar. Qazir ambýlatorııada eki jalpy praktıkalyq dárigeri men akýsher, bes meıirbıke jumys isteıdi. Ambýlatorııanyń jalpy praktıkalyq dárigeri Serik Qulǵazıevtiń aıtýynsha, aýylda dıspanserlik esepke alynǵan naýqastardyń sany kóp. Bala týý kórsetkishi artyp otyr. Al Almaly aýylyndaǵy osyndaı ambýlatorııada 3 700 turǵyn tirkeýge alynǵan.
– Aýyldardaǵy emdeý mekemelerin bilikti kadrlarmen qamtamasyz etý problemasyn sheshýge erekshe nazar aýdarǵan jón. Ásirese jas mamandardyń aýylda jumys isteýge qulshynysyn arttyratyndaı birneshe jaıtty usynamyz. Birinshiden, olardy jergilikti bıýdjet qarjysyna oqytý, baspanamen qamtý jáne basqa áleýmettik qoldaý tetikterin qarastyrǵan jón. Ekinshiden, medısınalyq qyzmetkerler úshin saralanǵan jalaqy júıesin engizý qajet. Iаǵnı jalaqy bárine birdeı mólsherde emes, bilimi men biliktiligine qaraı tólenýi kerek. Memleket basshysynyń qoıyp otyrǵan búgingi talaby – halyqqa kórsetiletin medısınalyq qyzmet sapasyn arttyrý, turǵyndardyń densaýlyǵyn jaqsartý qajet, – deıdi A.Ǵınııat.
Mınıstr jalpy praktıkalyq dárigerlerdiń kásibı biliktiligin jetildirip, terapevtik beıindegi ártúrli patologııasy bar naýqastarǵa kómek kórsetýge bet burǵanyn qalaıdy. Bul pasıentterdiń arnaıy mamandardyń qabyldaýyna kirý kezeginiń ýaqytyn azaıtar edi. Aspaptyq dıagnostıkanyń qoljetimdiligin arttyrý úshin jyljymaly medısınalyq keshenderdi satyp alý máselesi sheshimin tabýǵa tıis. Aýyl turǵyndary úshin chekap túrinde kásibı tekserýler tizbesi keńeıtiledi. Skrınıngterdiń qoljetimdiligin, aýyldardaǵy medısına qyzmetine birqatar tarıfti arttyrý josparlanyp otyr.
A.Ǵınııat Atyraý qalasyndaǵy akýsherlik-gınekologııalyq, neonataldyq kómektiń tolyq spektri kórsetiletin 100 oryndyq perzenthana men 250 tósektik oblystyq perınataldyq ortalyqtyń jumysyna nazar aýdardy.
– Respýblıkalyq komıssııa tekserýi kezinde aýyldarda talapqa saı medısına nysandarynyń joqtyǵy baıqaldy. Medısına qyzmetkerlerine, ásirese dárigerlerge, turǵyndarǵa da qolaıly jaǵdaıdyń jasalmaǵanyna kóz jetti. Ákimdiktiń aqparatyna súıensek, medısına nysandaryn salý úshin tıisti qujattar ázirlenip jatyr, – dedi mınıstr.
Atyraý oblysy