Almaty qalalyq kásipkerlik jáne ınvestısııalar basqarmasynyń basshysy Erkebulan Orazalın kezekti baspasóz jıynyn ótkizip, qańtar oqıǵalary kezinde Almatyda shyǵynǵa batqan shaǵyn jáne orta bıznes ókilderinen túsken, qoldaǵy bar barlyq ótinimder 100%-ǵa qaralǵany týraly málimdedi.
Memlekettiń qoldaýy, Shaǵyn jáne orta bızneske keltirilgen shyǵyndy óteý jónindegi óńirlik komıssııanyń ótinishterdi qysqa merzimde qaraýy bir-birine septesip, qala ekonomıkasyn qalpyna keltirýdi jedeldetti. Infokazakstan.kz elektrondy platformasyna 1 188 kásipkerden 1 355 ótinim kelip túsken. О́ńirlik komıssııa otyrysynyń qorytyndysy boıynsha, jalpy somasy 5 286 mln teńge bolatyn 1 139 ótinim maquldansa, onyń ishinde bıýdjet qarajatynan 4 194 mln teńgege 595 ótinim, «Jańa Alataý» qory qarjysynan 1 091 mln teńge somasynda taǵy 544 ótinim shyǵyndary ótelip jatyr.
«Negizinen saýda jáne qyzmet kórsetý sektory zardap shekti. О́tinimderdiń kópshiligi azyq-túliktik emes taýarlar, aıaqkıimderdi, kıimderdi satýmen aınalysatyn kásipkerlerden, sondaı-aq turmystyq tehnıka, zergerlik buıymdardy satatyn saýda oıyn-saýyq ortalyǵynyń aýmaǵynda ornalasqan aıyrbastaý pýnktteri men dúken ıelerinen kelip tústi», dedi E.Orazalın.
Qalǵan 216 ótinim pysyqtaýǵa jiberildi. О́ıtkeni onyń 120-synyń qujattary túgel emes, 96-sy jeńildetilgen tetik aıasynda tólem somasy boıynsha kelispeýge baılanysty sot saraptamasyna jiberildi. Zardap shekken bıznesti tolyq qamtyp, qala ekonomıkasyn jedel qalpyna keltirý maqsatynda Komıssııa hatshylyǵy qujattardyń tolyq paketin usynýda kómek kórsetý úshin Qoldaý kásipkerlik ortalyǵynyń janynan konsýltasııalyq shtab ashty.
О́temaqysy áli tólenbegen zardap shekken kásipkerler quzyrly mekemelerge júgine alady. О́ńirlik komıssııanyń kelesi otyrystary 2022 jylǵy 12, 15 jáne 18 naýryzǵa josparlanǵan.
Brıfıngke Almaty qalasy Kásipkerler palatasynyń dırektory Aıtýar Qoshmambetov qatysyp, zardap shekken bıznesti qoldaý úshin «Kúshimiz – birlikte» qory qurylǵanyn habarlady. Komıssııa sheshiminen keıin qor qarajaty saýda oryndary tonalǵan, buzylǵan Almaty jáne basqa óńirlerden kelgen kásipkerlerge bólinedi.
ALMATY