Atyraýda 546 sheteldiktiń kóshi-qon zańnamasyn buzǵanany anyqtaldy, dep habarlaıdy Egemen.kz IIM aqparattyq portalyna silteme jasap.
Ishki ister mınıstriniń nusqaýymen Atyraý oblysy aýmaǵynda 10-17 naýryz aralyǵynda respýblıkalyq «Mıgrant» jedel-profılaktıkalyq is-sharasy ótkizilýde.
«Jedel sharanyń tórt kúniniń qorytyndysy boıynsha kóshi-qon zańdylyqtaryn buzǵan 546 sheteldik ákimshilik jaýapkershilikke tartyldy», dedi Atyraý oblysy Polısııa departamentiniń bastyǵy Nurhat Orazbaev.
Kóshi-qon zańnamasynyń talaptaryn buzǵan sheteldikterdi qabyldaǵan 108 adam jaýapkershilikke tartylsa, sheteldik jumys kúshin zańsyz tartqan 15 tulǵa ákimshilik jaýapkershilikke tartyldy.
Sondaı-aq kóshi-qon zańnamasyn buzǵan 17 shetel azamaty el aýmaǵynan shyǵaryldy. Qabyldaý-taratý ornyna májbúrli túrde shyǵarý úshin eki tulǵa qamaýǵa alyndy.