Oblystyq máslıhattyń kezekten tys shaqyrylǵan jetinshi sessııasynda Qostanaı halyqaralyq áýejaıyna Ahmet Baıtursynulynyń esimin berý týraly usynys maquldandy.
Oblystyq mádenıet basqarmasynyń basshysy Erlan Qalmaqovtyń aıtýynsha, áýejaıǵa ult ustazynyń esimi beriledi deýge áli erterek. О́ıtkeni bul másele aldaǵy ýaqytta respýblıkalyq onomastıkalyq komıssııa otyrysynda qaralatyn bolady.
– Qoldanystaǵy zańnamaǵa sáıkes nysandarǵa kisi esimin berý máselesin birinshi kezekte ujymnyń ózi sheshedi. Biz ol kezeńnen óttik. Iаǵnı áýejaı ujymy ózderi bastama kóterip, talqylap, oń sheshim qabyldady. Tártip boıynsha ekinshi kezeńde bul másele oblystyq máslıhat depýtattarynyń qaraýyna engizilýi kerek. Búgingi sessııaǵa qatysqan 128 depýtat áýejaı ujymynyń usynysyn biraýyzdan qoldap daýys berdi. Qazir respýblıkalyq onomastıkalyq komıssııanyń qaraýyna jiberiletin qujattar ázirlenip jatyr, – dedi basqarma basshysy.
Qostanaı oblysy