Sınoptıkter 17 naýryzǵa arnalǵan aýa raıy boljamyn jarııalady, dep habarlaıdy Egemen.kz «Qazgıdromet» RMK baspasóz habarlamasyna silteme jasap.
«Atmosferalyq frontaldy bólikterdiń ótýimen Qazaqstannyń basym bóliginde jaýyn-shashyn, ońtústik jartysynda kóbinese jańbyr túrinde, ońtústiktiń taýly aýdandarynda qatty jaýyn-shashyn (jańbyr, qar) jaýady, tek respýblıkanyń soltústiginde jaýyn-shashynsyz aýa raıy bolady. QR boıynsha jeldiń kúsheıýi baıqalady, tuman túsip, kóktaıǵaq, jaıaý burqasyn bolady. Respýblıkanyń ońtústiginde naızaǵaı oınaıdy», delingen habarlamada.
Jambyl oblysynyń soltústiginde, taýly aýdandarynda tuman túsedi, soltústik-shyǵysynda, taýly aýdandarynda jel 15-20, ekpini 23 m/s kúsheıedi.
Túnde jáne tańerteń Shyǵys Qazaqstan oblysynyń soltústiginde, shyǵysynda tuman túsip, joldarynda kóktaıǵaq bolady, oblystyń ońtústiginde, batysynda jel 15-20 m/s kúsheıedi.
Túrkistan oblysynyń taýly, taý bókteri aýdandarynda tuman túsedi, naızaǵaı oınaıdy, batysynda, soltústiginde, oblystyń taýly aýdandarynda jel 15-20 m/s kúsheıedi.
Aqtóbe oblysynyń ońtústiginde, ortalyǵynda jaıaý burqasyn, soltústiginde, shyǵysynda, ortalyǵynda jel 15-20 m/s kúsheıedi.
Qyzylorda oblysynyń soltústiginde, ortalyǵynda kóktaıǵaq bolady, jel 15-20 m/s kúsheıedi. Kostanaı oblysynyń soltústiginde, shyǵysynda tuman túsedi, kúndiz oblystyń ońtústiginde jaıaý burqasynmen jel 15-20 m/s kúsheıedi.
Batys Qazaqstan oblysynyń ońtústik-batysynda tuma túsip, ońtústiginde kóktaıǵaq bolady, kúndiz soltústiginde, soltústik-shyǵysynda jel 15-20 m/s kúsheıedi.
Almaty oblysynyń soltústiginde, taýly aýdandarynda tuman túsedi, oblystyń shyǵysynda 15-20 m/s jel kúsheıedi.
Mańǵystaý oblysynyń batysynda, ońtústiginde, shyǵysynda jel ekpini 15-20 m/s deıin kúsheıedi. Mańǵystaý oblysynyń soltústiginde, shyǵysynda tuman, kóktaıǵaq bolady.
Aqmola oblysynyń soltústiginde, batysynda, Atyraý oblysynyń batysynda, Soltústik Qazaqstan oblysynyń soltústiginde, ońtústiginde, Pavlodar oblysynyń batysynda, ońtústiginde tuman túsedi.