Katovıseden Qazaqstan azamattarynyń kezekti tobyn, olardyń kámeletke tolmaǵan balalary men jubaılaryn evakýasııalaıtyn gýmanıtarlyq borttyń ushýy 25 naýryzǵa josparlandy, dep habarlaıdy Egemen.kz.
Bul jóninde Qazaqstannyń Ýkraınadaǵy Elshiligi óziniń Instagram paraqshasynda málimdedi.
Josparlanǵan reıspen ushý úshin Ýkraınada qalǵan qazaqstandyqtar
24 naýryzǵa deıin Lvovqa nemese 25 naýryzǵa deıin Katovısege jetý kerek.
Evakýasııalaýdy qalaıtyn barlyq azamattar qujattardyń kóshirmelerin (tólqujattar, balalardyń týý týraly kýálikteri, neke týraly kýálikter) +380673470408 (WhatsApp) nómirine jiberýi qajet.