«Qazgıdromet» sınoptıkteriniń 2-8 sáýirge arnalǵan boljamy boıynsha, elimizdiń batysynda, ortalyǵynda jáne shyǵysynda aýa temperatýrasy plıýs 23 gradýsqa deıin jylynady. Al soltústiginde kúndiz aýa temperatýrasy plıýs 18 gradýsqa, ońtústik óńirlerde 28 gradýsqa kóteriledi, dep habarlaıdy Egemen.kz.
2-8 sáýir aralyǵynda batystan shyǵysqa qaraı kezekti Atlantıkalyq sıklon yǵysa bastaıdy. Ol negizinen jańbyr túrinde jaýyn-shashynnyń túsýine jáne aldymen batys pen soltústikte, kezeńniń ortasynan Qazaqstannyń qalǵan aýmaǵynda jeldiń kúsheıýine sebepshi bolady.
Sıklonnyń artynan Batys antısıklony aýysady. Ol ózimen birge qysqa merzimge aýa temperatýrasynyń tómendeýin alyp keledi. Osyǵan baılanysty Qazaqstannyń jazyq aýmaqtarynda, atap aıtqanda Qaraǵandy, Aqmola, Soltústik Qazaqstan, Qostanaı, Aqtóbe, Batys Qazaqstan, Pavlodar oblystary, Shyǵys Qazaqstan oblysynyń ońtústigi men ońtústik-batys bóliginde qardyń qarqyndy erýi, jáne ózenderdegi sý deńgeıiniń kóterilýi kútiledi.