О́mirde perzenthanada bolǵan qyzyqty hıkaıalar óte kóp-aq. Ásirese, qazirgi zamanda sábıli bolǵan jastar qýanyshtan qııaldaryna erik berip, sán-saltanattyń san túrin oılap taýyp júr. Degenmen, Almatydaǵy №4 perzenthana qyzmetkerleri aıta-aıta júretin oqıǵa boldy. Aty-jónin jarııalamaýdy suraǵan azamat perzenthanaǵa KAMAZ kólikterin sherýletip keldi. Baqytty áke tórt kıloǵa jeteǵabyl týylǵan balpanaqtaı uly men áıelin perzenthanadan osylaı alyp ketti.
Almatynyń tórtinshi perzenthanasyndaǵy jańa bosanǵan kelinshekter de erekshe sátke kýá bolyp, uldy bolǵan ákeniń perzenthanaǵa bes birdeı Kamaz avtokóliginen turatyn erekshe kortejben kelgenin kórip, máre-sáre boldy.
Al Gúlmıra Batyrbaı 27 naýryzda dúnıege balpanaqtaı ul ákeldi. Salmaǵy 3 kg 900 gramm, boıy 55 sm.
«Bizdiń ulymyz da, qyzymyz da bar. Bul bizdiń úshinshi balamyz. Oǵan Aıtóre degen esim berdik. Meniń kúıeýim KAMAZ avtokóligin júrgizedi. Perzenthanadan osylaı shyǵarǵany naǵyz tosynsyı boldy. Men óte baqyttymyn! Osy úshinshi balany tórtinshi perzenthanada dúnıege ákeldim, munda bosanǵan áıelderdi jaqsy kútedi eken. Balalarymnyń jaryq dúnıege kelýine kómektesken dárigerler men akýsherlerge alǵysym sheksiz», deıdi Gúlmıra.
Sonymen qııaly júırik, romantıkalaryn joǵaltpaǵan erli-zaıyptylar 29 jáne 30 jasta. Perzenthana qyzmetkerleri jumys istegen jyldary nebir saltanatty shyǵaryp alýdyń túr-túrin kórgenin, biraq Aıtórege jasalǵan erekshe qurmet.
ALMATY