Qańtar aıyndaǵy qaqtyǵys kezinde qaza tapqan Shekara akademııasynyń úsh kýrsantynyń otbasyna turǵyn úı beriledi. Bul týraly QR Premer-Mınıstriniń orynbasary Eraly Toǵjanov málimdedi, dep habarlaıdy Egemen.kz.
«Qańtardyń qaıǵyly kúnderinde Shekara akademııasynyń kýrsanttary Almaty qalasy ákimdiginiń jáne basqa da strategııalyq obektilerdiń qorǵanysyna qatysty. Almatyda bes shekarashy qaza tapty. Olardyń ishinde Meıirhan Bitim, Ádilhan Jaıyq jáne Dáýlet Juparbekov te bar. Meıirhan men Dáýlet nebári 19 jasta bolǵan, Jaıyq 22 jasta edi. QR Prezıdentiniń Jarlyǵymen olar úshinshi dárejeli «Aıbyn» ordenimen marapattaldy», dedi depýtat Iýlııa Kýchınskaıa Májilis otyrysynda.
Onyń aıtýynsha, zań boıynsha olarǵa 500 AEK (shamamen 1,5 teńge) mólsherinde birjolǵy aqshalaı ótemaqy beriledi.
Sondaı-aq depýtat Kýchınskaıa Premer-Mınıstrdiń orynbasarynan qaza tapqan kýrsanttardyń otbasyna páter berý týraly usynys aıtylǵanyn jáne ol másele búginde qalaı sheshilip jatqanyn surady.
Eraly Toǵjanov bul máseleniń Úkimettiń erekshe baqylaýynda ekenin aıtty.