Sınoptıkter 12 sáýir kúni aýa raıynyń buzylýyna baılanysty birneshe óńirde eskertý jarııalady, dep habarlaıdy Egemen.kz «Qazgıdromet» RMK-ǵa silteme jasap.
Túnde Almaty oblysynyń batysynda jáne ońtústiginde, kúndiz shyǵysynda, taýly jáne taý bókterli aýdandarynda naızaǵaı kútiledi.
Kúndiz Batys Qazaqstan oblysynyń batysynda, ońtústiginde naızaǵaı oınaıdy.
Aqtóbe oblysynyń ońtústiginde, ortalyǵynda tuman túsedi. Shymkent qalasynda keı ýaqytta naızaǵaı oınap, daýyl turady.
Túrkistan qalasynda túnde jáne tańerteń naızaǵaı, daýyl kútiledi. Ońtústik-batystan jel soǵyp, naızaǵaı kezinde ekpini 15-20 m/s quraıdy.
Kúndiz Mańǵystaý oblysynyń batysynda, shyǵysynda, ońtústiginde shańdy daýyl turady.
Nur-Sultan qalasynda ońtústik-shyǵystan, shyǵystan jel soǵady, kúshi 15-20 m/s deıin jetedi.
Túnde jáne tańerteń Qyzylorda oblysynyń ortalyǵynda, ońtústiginde naızaǵaı, daýyl bolady.
Aqmola oblysynda ońtústik-shyǵystan jel soǵady. О́ńirdiń soltústiginde, shyǵysynda ekpini 23-28 m/s artady.
Qostanaı oblysynyń ońtústiginde naızaǵaı bolyp, shyǵystan jel soǵady, óńirdiń ońtústiginde, shyǵysynda kúshi 15-20 m/s jetedi.
Kúndiz Pavlodar oblysynyń ortalyǵynda jel soǵady, ekpini 15-20 m/s artady dep kútiledi.
Túnde Soltústik Qazaqstan oblysynyń ońtústik-batysynda jel soǵady, kúshi 25 m/s artýy yqtımal.
Qaraǵandy oblysynyń batysynda, ońtústiginde naızaǵaı kútiledi. Shyǵystan jel soǵady, onyń ekpini 25 m/s deıin kúsheıedi.
Jambyl oblysynyń shyǵysynda, taýly aýdandarynda qatty jańbyr kútiledi. 12-14 sáýirde oblystyń ońtústik-batysynda, soltústik-shyǵysynda, taýly aýdandarynda naızaǵaı boljanady.