Shveısarııada dástúrli túrde ótip turatyn «Romandııa týryn» uıymdastyrýshylar 26 sáýirde shymyldyǵy túriletin jarysqa qatysýshylardyń tizimin jarııalady.
Atalǵan kópkúndikke qatysýshylar qatarynda Astana Qazaqstan Team klýbynyń da veloshabandozdary bar. Bizdiń komandanyń namysyn qazaqstandyq Alekseı Lýsenko men Andreı Zeıs, ıspanııalyq Davıd De La Krýs pen Haver Romo, ıtalııalyq Samýele Battıstella, Fabıo Fellıne jáne Antonıo Nıbalı qorǵaıdy.
«Romandııa týry» 1947 jyldan beri uıymdastyrylyp keledi. Bul dodada eń kóp oljaǵa kenelgen Stıven Roých. О́tken ǵasyrdyń sekseninshi jyldary Irlandııanyń áıgili sportshysy úsh márte teńdessiz dep tanyldy. Qazaqstandyq veloshabandozdar eki ret júldegerler sanatynan kórindi. Olar – Andreı Kashechkın men Aleksandr Vınokýrov. Alǵashqysy 2007 jyly úzdik úshtikti qorytyndylasa, ekinshisi 2011 jyly dál sol mejeden kórindi.