Memleket basshysynyń «Memlekettik apparattyń qyzmetin bıýrokratııadan aryltý jónindegi sharalar týraly» Jarlyǵy boıynsha Premer-Mınıstr keńsesinde qujattardy qaraý merzimin eki ese qysqartý sheshimi qabyldandy, dep habarlaıdy Egemen.kz.
Bul tapsyrma eki aı ishinde júzege asýy tıis.
«Premer-Mınıstr Keńsesinde qujattardy qaraý merzimderiniń eki esege qysqartylýyn qamtamasyz etsin», delingen Prezıdent Jarlyǵynda.
Jarlyqqa sáıkes hattamalardy qaraý quzyreti joq organdarǵa aktilerdiń jobalary men keńesterdiń hattamalaryn jiberýge tyıym salynady. Al memlekettik organdardyń birinshi basshylarynyń uıymdastyrýshylyq-tehnıkalyq sıpattaǵy qujattarǵa qol qoıý, sondaı-aq vedomstvoaralyq keńesterge qatysý jáne onda memlekettik organnyń ustanymyn bildirý quqyǵyn memlekettik organdardyń qurylymdyq bólimsheleriniń jekelegen basshylaryna júkteledi.
«Úkimet otyrystary men Úkimet janyndaǵy konsýltatıvtik-keńesshi organdar otyrystarynyń, sondaı-aq Premer-Mınıstrdiń orynbasarlary men Premer-Mınıstr keńsesi basshylyǵynyń basqarýymen ótken keńesterdiń hattamalaryn qatysqan memlekettik organdarmen kelisý qajettiligin joıa otyryp, olarǵa qol qoıý merziminiń úsh kúnge deıin qysqartylýyn qamtamasyz ete otyryp, qaıta qarasyn», delingen Jarlyqta.