Jańa úıirme ashyldy

Úıirmeniń ashylýyna Sıfr­lyq damý, ınnovasııalar jáne aeroǵarysh ónerkásibi mınıstrligi departamentteriniń dırektorlary, ýnıversıtet basshylyǵy jáne IT Prom odaǵy, sondaı-aq otandyq qoǵamdastyqtardyń ókil­deri qatysty.

SDIAО́M elektrondyq óner­­kásipti damytý depar­ta­men­tiniń dırektory Jánibek Muha­med­janov óz sózinde tehnıkalyq bi­lim berýdi damytýdyń mańy­zy­na toqtaldy.

«Kez kelgen sektordyń pro­ses­terin sıfrlandyrý qajetti prosesterdi ońtaılandyratyn jáne avtomattandyratyn júıe­lerdi qurýmen baılanysty. Elek­tronıka kez kelgen júıe­niń fı­zıkalyq negizi sanalady. Bul negizderdi bilý mańyzdy. Ýnıversıtet jáne basqa da bilim be­rý mekemeleriniń janynan osyn­daı úıirmeler uıym­das­tyrý daǵdylaryn mektep qabyr­ǵa­synan úıretý kerek», dedi J.Muhamet­janov.

EUÝ prorektory Erkin Ońǵar­baev ashylǵan úıirme tehnıka­lyq mamandyqtarǵa degen suranys eskerilgenin jetkizdi.

«Qoǵamda tehnıkalyq beıin­degi kadrlarǵa degen qajettilik art­ty. Memleket basshysy kásip­ker­ler aldynda sóılegen sózinde bolashaqta ınjener bolatyn jas býyndy tárbıeleý jóninde aıta kelip, iri bızneske, kolledjder men ýnıversıtetterge qam­­qorlyq jasaýdy, olardyń qam­qor­shylyq keńesterine kirý­di, tájirıbelik sabaqtar ótki­zý úshin zerthanalar men sheberhanalardy jabdyqtaýdy usyndy. Kásipkerlerimizdiń áleýmettik jaýapkershilik tanytyp otyrǵany qýantady. Búgingi ashy­lyp otyrǵan úıirmeniń mate­rıaldyq-tehnıkalyq jab­dyq­tal­ýyn «Logıkkom» kompanııasy usyndy», dedi prorektor.

Uıymdastyrýshylardyń má­­lim­deýinshe, atalǵan úıirme oqýshylardyń fızıkany, onyń ishinde elektronıka negizderin, radıo­tehnıkalyq qurylǵylardy jáne olardy qurastyrýdy oqytýdaǵy zııatkerlik-shyǵar­ma­shylyq qabiletterin damytý úshin ońtaıly jaǵdaılar jasaý, sondaı-aq sabaqta alǵan bili­min tájirıbede qoldanýǵa kómek­te­sýdi kózdeıdi.

Kýrs  7-11-synyp oqýshylaryna arnalǵan. Oqýshylar qarapaıym shemalardy jınaýdy úırenedi. Oqý qorytyndysy boıynsha oqý­shylar sertıfıkattarǵa ıe bola­dy.