Tennısten Monte-Karloda ótip jatqan ATP Masters 1000 týrnıriniń ekinshi kezeńinde Aleksandr Býblık ıspanııalyq Pablo Karreno-Býstamen kúsh synasty.
Júlde qory 5 415 410 eýrony quraıtyn jarystyń tusaýkeser kezdesýinde elimizdiń birinshi raketkasy shveısarııalyq ataqty Sten Vavrınkany qapy qaldyryp, óz jankúıerlerin qýantqan edi. Ekinshi kezeńde Aleksandrdyń joly taǵy bir myqty oıynshymen qıysty. 30 jastaǵy Pablo AQSh-tyń ashyq birinshiliginde eki ret jartylaı fınalǵa deıin jetip, taǵy eki márte Rolan Garrostyń shırek fınalynda baq synady. Qazirgi kezde Ispanııanyń ókili ATR reıtınginde 18-oryndy ıelenýde.
Básekeni Býblık jap-jaqsy bastap, birinshi sette 6:4 esebimen jeńiske jetti. Kelesisi taı-breıkke deıin ulasyp, bul joly Karreno-Býstanyń baǵy jandy – 6:7. Sheshýshi sátte 3:4 esebimen utylyp jatqan jerlesimiz jarysty odan ári jalǵastyrýdan bas tartty.