Prezıdent Qasym-Jomart Toqaev 13 sáýirde «Qazaqstan Respýblıkasynyń Adam quqyqtary salasyndaǵy odan arǵy sharalary týraly» Jarlyqqa tolyqtyrýlar engizdi, dep habarlaıdy Egemen.kz.
Q. Toqaev qujatqa mynadaı ózgeris pen tolyqtyrý engizý týraly qaýly qabyldady:
1 tarmaqta:
mynadaı mazmundaǵy 1-1) tarmaqshamen tolyqtyrylsyn:
«1-1) jumystyń mynadaı baǵyttaryn kózdeıtin adam quqyqtary men Zań ústemdigi salasyndaǵy odan arǵy sharalardyń josparyn bekitý:
áıelderge qatysty kemsitýshilikti joıý;
erler men áıelderdiń teń quqyqtary men múmkindikterin ilgeriletý;
birlestik bostandyǵy quqyǵy;
múgedek adamdarǵa qatysty adam quqyqtary;
adamnyń qylmystyq sot tóreligi, azaptaýlardyń jazasy men aldyn alý jáne qatygez qarym-qatynas salasyndaǵy quqyqtary;
adam saýdasy qurbandarynyń quqyqtaryn qamtamasyz etý;
kóship-qonýshylarǵa, azamattyǵy joq adamdarǵa jáne bosqyndarǵa qatysty adam quqyqtary;
BUU organdarymen ózara is-qımyl tetikterin jetildirý»;
2) jáne 3) tarmaqshalar mynadaı redaksııada jazylsyn:
«2) is-sharalar josparyn jáne odan ári sharalar josparyn iske asyrýdy qamtamasyz etý;
3) jyl saıyn 25 qańtarǵa qaraı jyl qorytyndylary boıynsha Qazaqstan Respýblıkasy Prezıdentiniń Ákimshiligine Is-sharalar josparynyń jáne odan ári sharalar josparynyń oryndalý barysy týraly aqparat usynsyn».