Bul týraly oblys ákimi Serik Shápkenov áleýmettik jelidegi paraqshasynda jazdy, dep habarlaıdy Egemen.kz.
Qazir Oıyl ózeniń sýy Qamyskólden ári qaraı Jarypshyqqanǵa quıyp Taısoıǵan aýylyna qaraı aǵýda. Aýyldyń aınalasyndaǵy saılarǵa sý tola bastaǵan.
Mııaly aýylymen Jangeldın, Oıyl, Kózdiǵara, Tasshaǵyl, Qarakól, Qyzylqoǵa aýyldyq okrýgterimen baılanys úzilgen joq. Shuǵyl sharýalary bar turǵyndardy qaıyqpen ótkizý jumystary júrgizilip jatyr.
Búginge deıin Mııaly men Jangeldın aýyly arasynda 200-ge jýyq turǵyn qaıyqpen ótkizilgen. Aýdandyq polısııa bóliminiń kúshimen qoǵamdyq tártipti saqtaý jumystary júrgizilýde.