Keshe Aral-Syrdarııa oblysaralyq basseındik balyq sharýashylyǵy ınspeksııasynyń Aral balyq ınspeksııasy bólimi jergilikti atqarýshy organdarmen jáne jergilikti polısııa qyzmetkerlerimen birlesip zańsyz balyq aýlaýdyń aldyn alý maqsatynda reıd jumystaryn júrgizdi, dep habarlaıdy Egemen.kz.
Reıd barysynda saǵat 10:30 shamasynda Aral aýdanynyń Qarashalan-Bógen avtojolynda «Gazel» markaly avtokóligi toqtatyldy.
Tekserý barysynda Shómishkól eldi mekeniniń turǵyny tıisti qujattarsyz jalpy salmaǵy 1261 kg balyq tasymaldaǵany anyqtaldy. Keltirilgen zalal 2 317 466 teńgege jetken.
Atalǵan derek boıynsha sotqa deıingi tergeý amaldary júrgizilýde.