Pavlodar qalasynyń QAJ-24 mekemesinde sottalǵandardyń biri ishki tyıym salynǵan aımaqqa kirgen, dep habarlaıdy Egemen.kz Ulttyq ulannyń baspasóz qyzmetine silteme jasap.
Oqıǵa 16 sáýirde saǵat 12:30 shamasynda bolǵan. Sottalýshy baqylaýshylardyń izimen tyıym salynǵan aımaqqa kirip ketken.
Sottalǵan adamnyń qashýǵa árekettengenin baıqaǵan bekettiń kezekshi kúzetshisi eskertý jasaǵan, artynsha dabyl sıgnalyn basqan. Sodan keıin ulttyq ulan sarbazy qaraýyl bastyǵyna habar berip, eskertý retinde aspanǵa oq atqan.
Sottalýshy ishki tyıym salynǵan aımaqta ustaldy. Mán-jaıdy anyqtaý úshin jedel-tergeý is-sharasy bastaldy.
Sondaı-aq Pavlodar oblysy boıynsha qylmystyq-atqarý júıesi departamenti jáne Ulttyq ulannyń 6679 áskerı bóliminiń komandıri birlesip qyzmettik tergeý bastady.