Ishki ister organdary «qańtar oqıǵalaryna» qatysty 1 260 qylmystyq isti tergep jatyr, dep habarlaıdy Egemen.kz.
«Qazirgi ýaqytta ishki ister organdary tergeýshileriniń óndirisinde buryn qabyldanǵan sheshimderdi eskermesek, 1 260 qylmystyq is bar. Onyń ishinde aýyr qylmys jasaý kúdigine iligip, kúzetpen ustalyp otyrǵan 158 adamǵa qatysty istiń de bar ekenin atap ótkim keledi», dedi IIM Tergeý departamentiniń bastyǵy Sanjar Ádilov Ortalyq kommýnıkasııalar qyzmetindegi brıfıng barysynda.
Kúdikti adamdardyń kinási negizinen qylmys jasalǵan oryndarda túsirilgen beınejazbalarmen, kýágerlermen jáne zattaı dáıektermen dáleldengen.
«Jaqyn arada qylmystyq prosestiń úsh býyndy modeli aıasynda jáne prokýrorlardyń kelisýimen osy qylmystyq ister boıynsha tıisti prosestik sheshimder qabyldanatyn bolady», dedi departament bastyǵy.