Baǵany zańsyz qymbattatqan «AtyraýAgroServıs» JShS saqtandyrý qoryndaǵy aýylsharýashylyq taýarlaryn joǵary baǵamen satypty
Teńgeniń aıyrbas baǵamynyń ózgerýinen paıda tabýǵa basqa emes, «AtyraýAgroServıstiń» barǵany qyzyq bolyp tur. Olaı deıtinimiz, bul kásiporyn oblystaǵy saqtandyrý qoryndaǵy aýylsharýashylyq taýarlaryn turaqty baǵamen satatyn birden-bir operator. Soǵan qaramastan, aýylsharýashylyq taýarlaryn joǵary baǵamen satyp, el-jurttyń qaltasyn qaǵyp kelipti. Bul týraly ekonomıkalyq qylmysqa jáne sybaılas jemqorlyqqa qarsy kúres departamenti habarlap otyr.
Atalǵan departament qyzmetkerleri oblystyq prokýratýramen birlese «AtyraýAgroServıs» JShS-ine tekserý júrgizgende saqtandyrý qoryndaǵy aýylsharýashylyq taýarlaryn zańsyz joǵarylatylǵan baǵamen satý faktisin anyqtady. Osyǵan oraı «AtyraýAgroServıs» JShS dırektoryna qatysty Qylmystyq kodekstiń 307-babyndaǵy 1-bólimimen (Qyzmettik ókilettigin teris paıdalaný) qylmystyq is qozǵaldy.
Aıtpaqshy, saqtandyrý qoryndaǵy aýylsharýashylyq taýarlaryna turaqty baǵa kóterilmeıdi dep óńir jurtshylyǵyn sendirgen jergilikti bılik ázirge «AtyraýAgroServıstiń» baǵany zańsyz kóterý áreketine baılanysty ustanymyn bildirgen joq. «Baǵany zańsyz kótergenderge shara qoldanylady» degen jergilikti bıliktiń endigi áreketi qalaı bolmaq?..
Joldasbek ShО́PEǴUL,
«Egemen Qazaqstan».
Atyraý oblysy.