Prezıdenttik ádebı syılyq taǵaıyndaý máselesi pysyqtalyp jatyr. Bul jaıynda Senat depýtattarynyń saýalyna berilgen QR Premer-Mınıstriniń orynbasary Eraly Toǵjanovtyń jaýabynda aıtylǵan, dep habarlaıdy Egemen.kz.
«Jas qazaqstandyq jazýshylar men aqyndardy qoldaý úshin Prezıdenttik ádebı syılyq taǵaıyndaý máselesi pysyqtalýda. Qazirgi ýaqytta Memleket basshysynyń tıisti Jarlyq jobasy múddeli memlekettik organdarmen kelisilip jatyr.
Prezıdenttik syılyq «Proza», «Poezııa», «Dramatýrgııa», «Balalar ádebıeti» nomınasııalary boıynsha buryn-sońdy jaryq kórmegen shyǵarmalary úshin Qazaqstan Respýblıkasynyń 18-29 jas aralyǵyndaǵy azamattaryna tabystalatyn bolady», delingen E. Toǵjanovtyń jaýabynda.
Onyń atap ótýinshe, otandyq ádebıetti qoldaý úshin qoldanystaǵy zańnamada jetkilikti tetikter qarastyrylǵan.