Aýyl sharýashylyǵy mınıstrligi Atyraý oblysynda jylqylar nege ólgenin anyqtady, dep habarlaıdy Egemen.kz.
Buǵan deıin mınıstrlik Atyraý oblysynda belgisiz aýrýdyń saldarynan jylqy ólimi tirkelgenin habarlaǵan bolatyn.
Atyraý oblysyna sharýalarǵa ǵylymı-praktıkalyq kómek kórsetý, epızootologııalyq zertteýler júrgizý jána jylqylar arasynd aýrý dıagnozyn qoıý úshin synama alý maqsatynda Qazaq veterınarııalyq ǵylymı-zertteý ınstıtýty men Bıologııalyq qaýipsizdik problemalary ǵylymı-zertteý ınstıtýtynyń ǵylymı qyzmetkerleri bardy.
«Zertteý nátıjesinde janýarlarda delıafondıoz, gastrofılez jáne paraskarıdoz parazıttik aýlýlary anyqtady. Qolda bar derekter boıynsha janýarlardyń jappaı qyrylýy men aýrýynyń negizgi sebebi osy dıagnozdar. Aýrýmen kúresý úshin ǵalymdar janýarlardyń ıeleri men veterınarlarǵa parazıttik aýrýlar men gelmıntozdardy aldyn-alý jáne ýaqtyly emdeýdi usynady», delingen habarlamada.
Aýyl sharýashylyǵy mınıstriniń buıryǵyna sáıkes janýarlardyń asa qaýipti aýrýlarynyń tizbesine sáıkes janýarlardyń profılaktıka, dıagnostıkasy jáne joıylýy bıýdjet esebinen júrgiziledi. Al qalǵan aýlardyń, onyń ishinde parazıttik aýlardyń veterınarııalyq is-sharalary janýar ıeleriniń esebinen júrgiziletini habarlandy.
QR AShM Veterınarlyq baqylaý jáne qadaǵalaý komıteti ǵylymı-zertteý ınstıtýtry mamandarynyń oblysqa jasaǵan saparlarynyń qorytyndysy boıynsha arnaıy jınalys ótkizdi. Jıynǵa qazaqstannyń jylqy ósirýshiler qaýymdastyǵynyń músheleri, ǵalymdar, AShM aýmaqtyq ınspeksııasynyń jáne ákimdiktiń ókilderi qatysty.
Kezdesý qorytyndysy boıynsha mınıstrlik fermerlermen kezdesý alańyn usynýǵa al ǵylymı-zertteý ınstıtýttarynyń mamandary fermerlerge jan-jaqty qoldaý kórsetip, janýarlardy dıagnostıkalaý men emdeýdiń tıimdi ádisteri týraly kómek kórsetýge daıyn ekenin jetkizdi.
Epızootııalyq jaǵdaı QR Aýyl sharýashylyǵy mınıstrliginiń baqylaýynda.