Qaraǵandy oblysy Shet aýdanynyń eldi mekenderinde 4-ten 6 mm-ge deıin qar jaýdy, dep habarlaıdy Egemen.kz.
Sınoptıkterdiń aıtýynsha, bul aýa raıy qubylysy buryn boljanǵan. Aqtoǵaı aýdanynyń ońtústiginde qatty jańbyr túrinde jaýyn-shashyn bolǵandyqtan, Qaraǵandy oblysynyń kóptegen óńirlerinde temperatýranyń tómendeýi baıqalǵandyqtan, eki antısıklon kezdesip, qar túrinde jaýyn-shashyn paıda boldy.
«Bul bizge soltústik-batystan antısıklon kelgendikten boldy. Jaýyn-shashyn ońtústikten sıklonmen keldi. Jyly jáne sýyq aýanyń aralasýy kezinde qar jaýdy», dep túsindirdi «Qazgıdromet» meteorologııalyq boljaý bóliminiń bastyǵy Anastasııa Grıaznova.
Sınoptıkterdiń aıtýynsha, túnde tómen temperatýra 28 sáýirge deıin oblystyń soltústiginde saqtalady.
«Qazirgi ýaqytta aýdannyń ońtústik-shyǵysynda Aqadyr, Aqshataý, Aqjal, Moıynty, Kıikti, Bosaǵa, Ortaý kentterinde qar jaýady. Aýdan boıynsha jaǵdaı turaqty», dedi Shet aýdany ákimi apparatynyń bas mamany Oljas Tóleýbaev.
Aıana Toǵanbek