Qasym-Jomart Toqaev Qazaqstanǵa resmı saparmen kelgen Qytaı Halyq Respýblıkasy Memlekettik keńesiniń múshesi, Qorǵanys mınıstri Veı Fenheni qabyldady, dep habarlaıdy Egemen.kz Aqordaǵa silteme jasap.
Qazaqstan Prezıdenti óziniń 2019 jylǵy qyrkúıekte Pekınge memlekettik sapary men bıylǵy aqpanda QHR-ǵa jumys sapary barysynda qol jetkizilgen mańyzdy ýaǵdalastyqtardyń júzege asyrylýyna oń baǵa berdi.
Eki el arasyndaǵy uzaqmerzimdi strategııalyq seriktestik týraly joǵary deńgeıde bekitilgen Deklarasııa osy jumystardyń negizgi baǵyty ekeni atap ótildi.
– Bıyl biz memleketterimiz arasyndaǵy dıplomatııalyq qatynastardyń 30 jyldyǵyn atap ótemiz. Osydan 30 jyl buryn jańadan bastaǵan edik, qazir strategııalyq seriktespiz. Ekonomıkalyq yntymaqtastyqta zor nátıjelerge qol jetkizdik. Qazaqstan men Qytaı álemdik arenada, eń aldymen, BUU jáne basqa da halyqaralyq uıymdar aıasynda jaqyn seriktester sanalady. Sondyqtan eki el arasyndaǵy ózara qarym-qatynastardyń qazirgi damý deńgeıine kóńilim tolady. Degenmen, bul yntymaqtastyǵymyz dáıekti túrde damı berýge tıis dep sanaımyn. Bir orynda turyp qalmaı, jańa nátıjelerge qol jetkizýimiz kerek, – dedi Prezıdent.
Qasym-Jomart Toqaev Qytaı Tóraǵasy Sı Szınpınniń bıylǵy qyrkúıekke josparlanǵan memlekettik saparyna Qazaqstannyń úlken úmit artyp otyrǵanyn atap ótti. Memleket basshysynyń pikirinshe, aldaǵy joǵary deńgeıdegi kelissózder qazaq-qytaı qatynastaryn damytýǵa tyń serpin beredi.
Áńgimelesý barysynda bitimgershilik jáne áskerı-tehnıkalyq salalardaǵy ekijaqty jáne kópjaqty yntymaqtastyqtyń qazirgi jaǵdaıy men perspektıvalary talqylandy.
Memleket basshysy qazaqstandyq áskerı qyzmetshilerdiń BUU bitimgershilik operasııalaryndaǵy qatysý geografııasyn keńeıtýge elimizdiń daıyn ekenine basa mán berdi. Osyǵan baılanysty Prezıdent Pekınniń atalǵan ámbebap uıym aıasynda ujymdyq mıssııa ótkizý týraly bastamasyn qoldady.
О́z kezeginde Veı Fenhe Qytaı tarapynyń osy saladaǵy ózara tıimdi kooperasııany odan ári damytýǵa daıyn ekenin rastady. Onyń pikirinshe, Qarýly Kúshterdiń áleýetin arttyrý jáne memleketimizdiń qorǵanys qabiletin nyǵaıtý úshin júzege asyrylyp jatqan reformalar negizinen bul baǵyttaǵy jetistikterge yqpal etedi. Mınıstr Qazaqstannyń ishki jáne syrtqy saıasatyna joǵary baǵa berdi.
Sonymen qatar kezdesýde halyqaralyq jáne aımaqtyq kún tártibindegi ózekti máseleler qarastyryldy.