ÝEFA prezıdenti Aleksander Cheferın Qazaqstan fýtbol federasııasynyń basshysy Ádilet Barmenqulovqa quttyqtaý hatyn joldady, dep habarlaıdy Egemen.kz.
«Búgingi fýtbol kúnimen quttyqtaı otyra, Qazaqstan fýtbol federasııasynyń sońǵy jıyrma jylda Eýropa fýtbolynyń mańyzdy bir bóligine aınalǵany úshin alǵys bildiremin.
Qazaqstan fýtbol federasııasy 2002 jyly ÝEFA uıymyna qosylǵan sátten bastap bizdiń qurlyqtyń qurmetti múshesine aınaldy.
Osy 20 jyldyń ishinde Qazaqstandaǵy fýtbol ınfraqurylymy UEFA HatTrick baǵdarlamasynyń qarjylandyrýymen júzege asyrylǵan birneshe jobalardyń arqasynda aıtarlyqtaı jaqsardy. Sonyń basty aıǵaǵynyń biri – Nur-Sultanda salynǵan kópsalaly fýtbol kesheni.
Bilim berý salasynda bizdiń baǵdarlamalarymyzdy tolyq paıdalanyp, fýtbol pıramıdasy boıynsha barlyq tabystarǵa áser ete bastaǵanyn da baıqaımyz. Olardyń arasynda buqaralyq, áıelder, klýbtyq fýtbol, jattyqtyrýshylar korpýsy jáne tóreshilik bar.
Osy tabystardyń arasynda aıtarlyqtaı kózge túsetinderi bar. Máselen, fýtzaldan Qazaqstan quramasy naǵyz álem juldyzyna aınaldy. Josparlanǵan strategııa durys qurý men ony júıeli júzege asyrý arqyly federasııa qyzmetiniń ózge salalary da tabysqa jete alatynyna senim mol. Sonymen qatar qazaqstandyq klýbtar ÝEFA jarysyna turaqty qatysyp keledi. Chempıondar lıgasynyń 2015/16 jylǵy maýsymynda toptyq kezeńde tórt oıyndy teń aıaqtaǵan «Astananyń» erligin eshkimniń esine salýdyń qajeti joq. Olar sol maýsymda «Benfıka» men týrnırdiń fınalyna shyqqan Madrıdtiń «Atletıkosyna» ǵana jol berdi.
Fýtboldyń basty ereksheligi árbir janǵa armandaýǵa múmkindik beredi. Cizdiń adaldyǵyńyzdyń arqasynda mıllıondaǵan balalar Qazaqstannyń jasyl alańdarynda óz armandaryn oryndap júr.
Qazaqstan fýtbolyna uzaq jyldar boıy tabys jáne jasyl alańmen onyń aınalasynda órkendeýdi tileımin. ÝEFA árqashan Qazaqstan fýtbol federasııasynyń senimdi seriktesi bolatynyn udaıy este ustarsyz», dep jazylǵan Cheferınniń quttyqtaý hatynda.