26 sáýirden bastap Jeńis dańǵylynan Potanın kóshesine deıingi ýchaskede avtokólik quraldaryna arnalǵan qozǵalys ishinara jabylady, dep habarlaıdy Egemen.kz.
Nur-Sultan qalasynyń Kólik jáne jol-kólik ınfraqurylymyn damytý basqarmasy Potanın dańǵylyndaǵy jol tósemin ortasha jóndeý jumystary bastalatynyn habarlady.
Osyǵan baılanysty, osy jyldyń 26-30 sáýiri aralyǵynda Jeńis dańǵylynan Potanın kóshesine (burynǵy Altynsarın kóshesi) deıingi ýchaskede avtokólik quraldary úshin qozǵalys ishinara jabylady.
Qala joldarynda keptelis týdyrmaý úshin elorda turǵyndary men qonaqtary óz qozǵalys baǵyttaryn aldyn ala josparlaýy qajet.
«Keltirilgen qolaısyzdyqtar úshin keshirim suraımyz jáne jóndeý jumystaryn júrgizýge túsinistikpen qaraýdy suraımyz», dedi vedomstvodaǵylar.