Májilistiń baspasóz alańynda BAQ ókilderiniń saýaldaryna jaýap bergen QR Parlamenti Májilisiniń tóraǵasy Erlan Qoshanov Amanat partııasynyń atynan prezıdent saılaýyna túsý týraly jospary joq ekenin aıtty, dep habarlaıdy Egemen.kz.
«Ondaı máseleni qarastyryp otyrǵan joqpyn. Josparymda da, oıymda da joq», dedi Májilis tóraǵasy.
«Prezıdent partııadan shyqqannan keıin sası básekelestik artady. Meniń oıymsha, bul partııa jumysynda kórinedi. Biz Parlamenttegi oryndar úshin ózgelermen teń jaǵdaıda kúresýimiz kerek. Bul tek saıası básekelestikti kúsheıtedi. Amanat basqarýshy partııa jáne ol saıası kúreske daıyn», dedi Erlan Qoshanov.
Sondaı-aq ol Májilis spıkeriniń basqarýshy partııanyń tóraǵasy bolýynda eshqandaı ádiletsizdik joq dep esepteıtinin jetkizdi.
«Meniń oıymsha, eshqandaı ádiletsizdik joq. Zańnama turǵysynan da qarama-qaıshylyq joq. Men Májilistegi bul ornym men partııa tóraǵalyǵyn zańdy túrde alyp otyrmyn. Bul meniń partııalastarymnyń senimi», dedi Májilis tóraǵasy.