Jumyrtqadan jún qyryqqandaı, paıda tabýdyń túrli amaly bar. Atyraýda 35 jastaǵy er adamnyń brondalǵan áskerı tehnıkany zańsyz satpaq bolǵany anyqtalyp otyr.
Polısııaǵa zańsyz satylymǵa brondalǵan barlaý-sholǵynshy mashınasy (BRDM-2) shyǵarylǵany týraly jedel aqparat túsken. Bul aqparatty ekstremızmge qarsy is-qımyl basqarmasynyń qyzmetkerleri jedel tekserip, izdestirý is-sharasyn júrgizdi. Tekserýdiń nátıjesinde 1986 jylǵy er adamǵa tıesili áskerı tehnıka tárkilendi. Qazir atalǵan derekke baılanysty Qylmystyq kodekstiń 386-babynyń 1-bóligimen sotqa deıingi tergeý amaldary júrgizilip jatyr.
Al kúdiktige qatysty eshqaıda ketpeý týraly qolhat túrindegi bultartpaý sharasy tańdaldy. Biraq el qaýipsizdigin qorǵaıtyn Qarýly Kúshterdi nyǵaıtýǵa qajetti áskerı tehnıkany satpaq bolǵan kim? Áskerı qyzmetshi me, álde bir kúndik paıdany oılaǵan alypsatar ma?