Prezıdenttiń Konstıtýsııaǵa ózgerister men tolyqtyrýlar engizý máselelerine qatysty beıneúndeýi bastaldy, dep habarlaıdy Egemen.kz.
«Biz bárimiz bir el bolyp Jańa Qazaqstandy, Ádiletti Qazaqstandy quramyz. Árbir azamattyń quqyǵy qorǵalatyn memleket bolamyz. Bárine birdeı múmkindik beremiz. Árkim qarym-qabiletine saı qoǵamnan óz ornyn ıelenedi. Halyqtyń oı-sanasy jańǵyryp, ómir salty ózgeredi.
Biz memlekettik júıeni jetildirip, qoǵam men bıliktiń tıimdi dıalogyn ornatamyz. Osylaısha, Ekinshi Respýblıkany qalyptastyramyz. Konstıtýsııalyq reforma munyń bárin tabysty júzege asyrý úshin qajet.
Qazirgi reformanyń ereksheligi – Prezıdenttiń ókilettigin kúsheıtý emes, memleketimizdi jetildirý, jańǵyrtý jáne nyǵaıtý. Men barshańyzdy eldiń erteńi, urpaqtyń keleshegi úshin referendýmǵa qatysýǵa shaqyramyn! Ult múddesine saı bastamalardy qoldaısyzdar dep senemin!», dedi Prezıdent.
Aıta keteıik, Memleket basshysynyń beıneúndeýi elorda ýaqytymen saǵat 20:00-de respýblıkalyq telearnalardan kórsetildi.