24 aqpan men 5 mamyr aralyǵynda 5 707 967 bosqyn Ýkraınanyń kórshi eldermen shekarasyn kesip ótti. Bul týraly Birikken Ulttar Uıymynyń Bosqyndar isi jónindegi Joǵarǵy Komıssarynyń basqarmasy (UNHCR) málimdedi, dep habarlaıdy Egemen.kz.
BUU BJKB málimetinshe, 24 aqpannan beri elden ketken Ýkraına azamattarynyń jartysynan kóbi Polshaǵa ornalasqan.
Osylaısha, Polshaǵa – 3 119 196, Rýmynııaǵa – 854 292, Reseıge – 714 713, Vengrııaǵa – 545 311, Moldovaǵa – 450 797, Slovakııaǵa – 388 282, Belarýske 25 852 ýkraınalyq ketken.
Sonymen qosa, BUU BJKB 2022 jyldyń 18-23 aqpany aralyǵynda Ýkraınanyń Donesk jáne Lýgansk oblystarynan Reseıge 105 000 adamnyń ketkenin habarlady.