Qazaqstanda 11 mıllıonnan astam adam respýblıkalyq referendýmǵa qatysa alady. Bul týraly Ortalyq referendým komıssııasy tóraǵasynyń orynbasary Konstantın Petrov aıtty, dep habarlaıdy Egemen.kz.
«1 sáýirdegi jaǵdaı boıynsha saılaýshylar tizimine 11 mln 695 myń 439 azamat engizilgen. Qazirdiń ózinde respýblıkalyq referendýmǵa qatysýǵa quqyǵy bar azamattardyń tizimin jasaýǵa negiz bar. Oǵan azamattardyń sáýir-mamyr aılaryndaǵy kóshi-qon dınamıkasyna jáne olardyń bergen ótinishterin eskerýge baılanysty naqty túzetýler engizý qajet», dedi Konstantın Petrov Ortalyq saılaý komıssııasynda ótken otyrysta.
Respýblıkalyq referendýmǵa qatysý quqyǵy bar azamattardyń tizimin ákimdikter jasaıdy.
«Referendýmnyń árbir ýchaskesi boıynsha respýblıkalyq referendýmǵa qatysý quqyǵy bar azamattardyń tizimin tıisti ákim daýys berý bastalardan jıyrma kún buryn, ıaǵnı 15 mamyrda akt boıynsha referendýmnyń saılaý komıssııasyna usynady. Daýys berýge on bes kún qalǵanda, ıaǵnı 20 mamyrdan bastap tıisti saılaý komıssııalary tizimdi saılaýshylarǵa usynady», dedi K. Petrov.