ShQO-da jyl basynan beri probasııa qyzmetinen jasyrynǵan 20-ǵa jýyq sottalǵan ustaldy, dep habarlaıdy Egemen.kz Polisia.kz-ke silteme jasap.
Shyǵys Qazaqstan oblysynyń probasııa qyzmetiniń qyzmetkerleri demalys jáne mereke kúnderi kúsheıtilgen túrde qyzmet atqarady.
Osylaısha polısııa qyzmetkerlerimen birge probasııa qyzmetiniń qyzmetkerleri osy jyldyń tórt aıynda 20-ǵa jýyq esepke alynǵan adamdardy izdestirdi, olar probasııa qyzmetiniń baqylaýynan ádeıi jasyrynǵan.
Penıtensıarlyq júıeniń qyzmetkerleri krımınaldyq polısııa qyzmetkerlerimen birlesip, izdeýde júrgen adamdardy ustaý boıynsha jumys júrgizdi. Sot úkimimen bostandyqta túzelý múmkindigi berilgen esepke alynǵan adamdar probasııa qyzmetine tirkelý úshin kelýge, turǵylyqty jeriniń ózgergeni týraly, sondaı-aq turatyn jeriniń sheginen tys jerge josparlanatyn saparlar týraly habardar etýge mindetti. Alaıda sottalǵandar sot úkimine qaramastan, jazany óteý sharttaryn jıi buzady jáne jazany óteýden jaltarady.
«Jaqyn arada esepte turǵan adamdarǵa jazasyn óteýden jaltarý qıyn bolady. Osy jyldyń sáýir aıynan bastap olarǵa elektrondy bilezik taǵyla bastaldy, onyń kómegimen probasııa qyzmetiniń qyzmetkerleri jasyrynyp qalǵan esepke alynǵan adamdardyń turǵan jerin ońaı anyqtaı alady», dedi Soljaǵalaý aýdanynyń probasııa qyzmetiniń aǵa ınspektory Erasyl Tólegenov.
Osylaısha krımınaldyq polısııamen birge probasııa qyzmetiniń qyzmetkerleri úılesimdi jumys júrgizdi, nátıjesinde 20-ǵa jýyq esepke alynǵan adamdar ustaldy.
Aıana Toǵanbek