Jańartylǵan álemdik reıtınginde qazaqstandyqtar arasynda eń úzdik nátıje Elena Rybakınaǵa tıesili. WTA tiziminde 22 jastaǵy tennısshimiz bir satyǵa joǵarylap, qazirgi kezde 17-oryndy ıelenýde.
Elimizdiń ekinshi raketkasy Iýlııa Pýtınseva «TOP-40» tennısshini túıindeýde. О́zge oıynshylarymyz mynadaı oryndardy enshilep otyr: Zarına Dıas – 134, Anna Danılına – 342, Jibek Kulambaeva – 498, Gozal Aınıtdınova – 570, Iаroslava Shvedova – 574 jáne Ekaterına Dmıtrıchenko – 855. Áıelder arasynda polshalyq Iga Sventekke teń keler eshkim tabylmaı tur. Odan keıingi satylarǵa chehııalyq Barbora Kreıchıkova, ıspanııalyq Paýla Badosa, grekııalyq Marııa Sakkarı jáne estonııalyq Anett Kontaveıt taban tiredi.
Ýaqyt ozǵan saıyn ATR reıtıngindegi jaǵdaıymyz nasharlaı túsýde. Elimizdiń eń úzdik tennısshisi Aleksandr Býblık ótken aptamen salystyrǵanda segiz satyǵa quldılap, bul kúnderi 41-oryndy qanaǵat tutty. О́zge otandastarymyz mynadaı satylarǵa turaqtady: Mıhaıl Kýkýshkın – 163, Dmıtrıı Popko – 182, Tımofeı Skatov – 193, Denıs Evseev – 337, Beıbit Juqaev – 490, Aleksandr Nedovesov – 730, Grıgorıı Lomakın – 856 jáne Dostanbek Tashbolatov – 911. Erler saıysynda serbııalyq Novak Djokovıch dara tur. Reseılik Danııl Medvedev pen germanııalyq Aleksandr Zverev ony ókshelep keledi.