Mańǵystaý oblysy Baıandy aýyly mańynan belgisiz suıyqtyq quıylǵan bótelkeler tabyldy, dep habarlaıdy Egemen.kz.
Jergilikti BAQ taratqan aqparatqa súıensek, sary tústi suıyqtyq quıylǵan bótelkeler 11 mamyrda tabylǵan. Aýyl turǵyny olardy vıdeoǵa túsirip alǵan.
Rolık avtory bótelkelerdi ashýǵa qoryqqanyn, ishinde ýly hımıkattar bolýy múmkin ekenin aıtady. Beınebaıandy kórgen ekologııa departamenti oqıǵa ornyna bardy. Sarapshylar bótelkelerdiń ishinde saqtaý merzimi ótip ketken sýsyndar ekenin anyqtady.
«Bótelkelerdi kim jáne qashan qaldyryp ketkeni belgisiz. Bizdiń mamandar Munaıly aýdanynyń ákimdigine qaldyqtardy jınap, polıgonǵa aparýǵa keńes berdi», dedi ekologııa departamentinen.
Ekologtar Munaıly aýdanynyń polıseılerine kinálilerdi anyqtap, olardy ákimshilik jaýapqa tartýdy surady.