Sınoptıkter 18 mamyrǵa arnalǵan aýa raıy boljamyn usyndy. Elimizdiń basym bóliginde jańbyr jaýady, dep habarlaıdy Egemen.kz «Qazgıdromet» RMK saıtyna silteme jasap.
Kúndiz-túni Aqmola oblysynyń batysy men ońtústiginde jańbyr jaýady. Oblystyń batysynda, soltústiginde, ońtústiginde – naızaǵaı, burshaq. Túnde aýa temperatýrasy +10...+15°S, oblystyń soltústik-batysynda +7°S, kúndiz + 20...+25°S, oblystyń soltústik-batysynda +17°S.
Kúndiz Almaty oblysynyń taýly aýdandarynda azdap ótkinshi jańbyr jaýyp, kún kúrkireıdi. Túnde aýa temperatýrasy +10...+15°S, oblystyń soltústiginde jáne taýly aýdandarda +7°S, kúndiz +26...+ 31°S, taýly aýdandarda +22°S.
Túrkistan oblysynyń ońtústiginde, batysynda, soltústiginde, taýly jáne taý bókterinde qatty jańbyr jaýady. Túnde aýa temperatýrasy +13...+ 18°S, batysta + 21°S, kúndiz +26...+ 31°S, taýly aýdandarda +23°S.
Túnde Batys Qazaqstan oblysynyń soltústiginde, soltústik-batysynda jańbyr jaýady. Oblystyń soltústik-batysynda naızaǵaı, burshaq, daýyl. Túnde aýa temperatýrasy + 5...+10°S, oblystyń ońtústiginde +13°S, kúndiz +15...+20°S, oblystyń ońtústiginde +23°S.
Atyraý oblysynda azdaǵan jańbyr jaýyp, kún kúrkireıdi. Túnde aýa temperatýrasy +10...+15°S, kúndiz +18...+23°S.
Kúndiz Mańǵystaý oblysynyń soltústiginde azdaǵan jańbyr, naızaǵaı, shańdy daýyl kútiledi. Túnde aýa temperatýrasy +13...+18°S, oblystyń soltústik-shyǵysynda +9°S, kúndiz +20...+ 25°S, ońtústiginde +28°S.
Túnde Aqtóbe oblysynyń batysynda azdap jańbyr jaýady. Kúndiz soltústikte, batysta, oblys ortalyǵynda naızaǵaı oınaıdy. Túnde aýa temperatýrasy + 5...+10°S, oblystyń ońtústiginde +13°S, kúndiz +13..+ 18°S, ońtústiginde +22°S.
Túnde Qostanaı oblysynyń ońtústiginde, kúndiz batysynda, ońtústik-shyǵysynda jańbyr, naızaǵaı, burshaq, daýyl kútiledi. Túnde jáne tańerteń shyǵysta tuman túsedi. Túnde aýa temperatýrasy + 5...+10°S, ońtústiginde + 13°S, kúndiz +17...+22°S, oblystyń ońtústiginde +25°S.
Kúndiz Soltústik Qazaqstan oblysynyń ońtústiginde, shyǵysynda jańbyr, naızaǵaı, daýyl, burshaq kútiledi. Túnde aýa temperatýrasy +8...+13°S, kúndiz +17...+22°S.
Tańerteń jáne kúndiz Pavlodar oblysynyń batysynda, soltústiginde, ortalyǵynda jańbyr, naızaǵaı, burshaq jaýady. Túnde aýa temperatýrasy +11...+ 16°S, kúndiz +27...+ 32°S, soltústiginde + 22°S.
Kúndiz Qaraǵandy oblysynyń soltústiginde, ońtústiginde, ortalyǵynda jańbyr jaýady. Túnde aýa temperatýrasy +8...+ 13°S, ońtústiginde +16°S, kúndiz +22...+27°S, ońtústiginde + 30°S.
Oblystyń ońtústiginde, soltústiginde, Jambyl oblysynyń taýly aýdandarynda jańbyr, kúndiz oblystyń ońtústiginde, taýly aýdandarda qatty jańbyr, naızaǵaı, burshaq, daýyl kútiledi. Túnde aýa temperatýrasy +16...+ 21°S, taýly aýdandarda +12°S, kúndiz +25...+ 30°S, taýly aýdandarda +22°S.
Shyǵys Qazaqstan, Qyzylorda oblystarynda jaýyn-shashyn kútilmeıdi.
Nur-Sultanda kóshpeli bult shyǵady, kúndiz jańbyr jaýady, naızaǵaı oınaıdy. Ońtústik-batystan 9-14 m / s jel soǵady, túnde aýa temperatýrasy +11...+ 13°S, kúndiz +21...+23°S.
Almatyda kóshpeli bult shyǵady, jaýyn-shashynsyz bolady dep boljanýda. Jel 2-7 m/s, túnde aýa temperatýrasy +13...+ 15°S, kúndiz +27...+29°S.
Shymkentte kóshpeli bult shyǵady, tańerteń jáne kúndiz jańbyr jaýady, kún kúrkireıdi. Soltústik-batystan 8-13 m/s jel soǵady, ekpini 15-20 m / s jetedi, túnde aýa temperatýrasy +15...+ 17°S, kúndiz +26...+28°S.