Premer-Mınıstrdiń orynbasary Eraly Toǵjanov bıyl elimizde 10 myń oryndyq 31 jataqhana paıdalanýǵa beriletinin aıtty, dep habarlaıdy Egemen.kz.
«Stýdent jastar úshin ózekti máselelerdiń biri jataqhana tapshylyǵy. Ony júıeli sheshý maqsatynda sońǵy 3 jylda 30 myń oryn berildi. Bıyl 10 myń oryndyq 31 jataqhana paıdalanýǵa beriledi», dedi ol.
Sondaı-aq jastardyń tegin bilim alýyna múmkindikter keńeıtilip jatqanyn aıtty.
«2025 jylǵa qaraı memlekettik bilim granttaryn 50 paıyzǵa ulǵaıtý josparlanǵan. Onyń ishinde mektep bitiretinderdiń ortasha kórsetkishi jalpy respýblıkalyq deńgeıden tómen óńirlerdiń jastaryna ózge óńirlerdegi ýnıversıtetterde bilim alýy úshin bıyl alǵash ret maqsatty 10 myń grant bólinedi», dedi E. Toǵjanov.
Onyń aıtýynsha, bul atalǵan óńir jastarynyń bilimin laıyqty deńgeıde qamtamasyz etýge baǵyttalǵan júıeli sheshim.
«2025 jylǵa deıin stýdentter stıpendııasy jyl saıyn 20%-ǵa, al magıstranttar men doktoranttar stıpendııasy 15%-ǵa artady. Bul jalpy 130 myńǵa jýyq stýdent, doktorantty qamtıdy», dedi Úkimet basshysynyń orynbasary.
Aıana Toǵanbek