Taýar tapshylyǵy sezilmeıdi

Geosaıası oqıǵalardyń áýel ba­synda jeliler Eýro­pa, Be­la­rýs jáne Reseı ar­qy­ly logıs­tıkalyq tiz­bek­­­­terdiń buzy­lý má­se­lesin boljady. Qazaqstan eko­­no­­­mıkasy Reseımen tyǵyz ın­teg­rasııalanǵan. Import­tyń basym bóligi el aýmaǵyna Re­se­ı porttary nemese Eýro­pa ar­qyly avtojoldarmen kire­di. Sanksııalar kúshine ene basta­ǵa­nda kóptegen tasy­mal­­daý­shy­ Reseı arqyly tran­zıtti toq­tatty. О́ıtkeni saý­da jeli­le­ri taýar alýǵa baı­lanys­ty qıyndyqtarǵa dýshar bolý­dan seskendi. Máselen, osy jyl­dyń naýryz aıynda teńiz, temirjol jáne avtomobıl joldary arqyly jet­ki­ziletin keıbir teh­nı­ka­nyń jetispeýshiligine tap bolamyz dep kúdiktendik.

«Qazirgi tańda da logıstı­ka­­­da­ǵy jaǵdaı kúrdeli. Biraq naryq qazirgi naqty jaǵ­daıǵa beıimdelip keledi. Taýar­lardyń 70-75%-ǵa deıingi úlesi Qazaqstandaǵy jetkizý­shi­lerdiń qoımalarynan alynady. Taýardyń bir bóligin biz DDP jáne CIP jetkizý sharttarynda alamyz, ıaǵnı jetkizýshi bizge taýardy qoımaǵa ózi jet­ki­zedi. Eger kórshi memleketke qatysty engizilgen sanksııalar týraly aıtatyn bolsaq, bul biz­diń qorjynymyzda mańyzdy shamada úleske ıe Qytaıdan ke­letin júkterdiń tarıftik quny men tranzıttik ýaqytyna áser etken joq. Aıta ketý kerek, aqpan jáne naýryz aıla­rymen salystyrǵanda, bul baǵyttaǵy tarıfter eleýli shamada tómendedi. Reseıden de taýarlar eshbir qıyndyqsyz jet­kiziledi, biz bul ónimderge degen tapshylyqty sezbeımiz. Biz sondaı-aq Eýropadan «eski» baǵamen taýar ákelip úlgerdik, kúrt tapshylyq joq. Eýropadan ákelinetin taýarlarǵa tarıfter 30-dan 50%-ǵa deıin ósti, tarıfterge baǵamnyń úlken qu­byl­malylyǵy áser etti, qazir jaǵdaı birshama túzeldi jáne mólsherlemeler turaqtandy. Sondaı-aq qıyndyq Reseı jáne Belarýs nómirlerine ıe kólikterdiń EO aýmaǵyna kir­gi­zil­meýinen kórinedi. О́ıtkeni olar EEK pen EO arasyndaǵy júk tasymalynyń negizgi kólemin júzege asyrýshy edi. Qazaqstan baǵytynda qazaqstandyq jáne qyrǵyz nómirleri bar mashınalar frahtalady, biraq bul kólikter parki qajettilikti tolyq óteı alatyndaı úlken dárejede emes. Alaıda joǵaryda aıtyp ótkenimdeı, logıstıkalyq kom­panııalar beıimdelip kele­di jáne avtokólik parki ulǵaıa túsýde.

Jalpy alǵanda, taýardyń kúrt tapshylyǵy sezilmeıdi, taýardy jetkizý boıynsha barlyq suranystardy jaýyp otyrmyz. Aǵymdaǵy geosaıası jaǵdaı jet­­kizý­shilerdiń kez kelgen b­a­ǵyt­tan taýarlar jetkizýine eleý­li áser ete qoıǵan joq. Osyn­daı tehnıkanyń arasynda teledıdarlar, tońazytqyshtar, plı­talar men tumshapeshter, kir jýǵysh mashınalar bar. Árı­ne, qazaqstandyqtar aıfon­syz qal­maıdy. Usaq jáne qym­bat jabdyqtar buryn da áýe qaty­na­sy arqyly jetkizilip kelgen. Sondyqtan munda eshnárse ózgere qoıǵan joq», deıdi Evrika kompanııasynyń logıstıka jó­nin­degi dırektory Vladımır Tatarınov.

ALMATY