Mańǵystaý oblystyq aýrýhanasynda endoskopıst-dárigerler temir jutyp qoıǵan naýqasqa tiliksiz ota jasady, dep habarlaıdy Egemen.kz oblystyq aýrýhananyń baspasóz qyzmetine silteme jasap.
Endoskopıst-dáriger Baýyrjan Tanaýovtyń aıtýynsha, 29 jastaǵy naýqas 18 mamyr kúni jedel túrde aýrýhanaǵa keldi. Naýqasta ishtiń joǵarǵy bólimi aýyrsynǵan. Aldymen dárigerler jedel túrde laboratorly-ınstrýmentaldi zertteý júrgizdi. Ish qýysynyń rentgenografııasy nátıjesinde asqazannan birneshe bógde dene anyqtaldy.
«Naýqasqa shuǵyl túrde jansyzdandyrý arqyly endoskopııalyq ádispen ota jasadyq. Iаǵnı, aýyz arqyly vıdeoezofagogastrodýodenoskopııa apparattyń kómegimen denedegi artyq zatty syrtqa shyǵardyq. Naýqas ishinen uzyndyǵy 15, 16, 18 sm temir, basy joq qasyq alyndy», dedi Mańǵystaý oblystyq aýrýhanasynyń endoskopıst-hırýrgy B. Jolamanuly.
Bóten denelerdi endoskopııalyq jolmen alyp tastaý otasy sátti ótti. Naýqasta eshqandaı aýyrsyný bolǵan joq. Ota shamamen jarty saǵatqa sozylǵan. Qazirgi tańda naýqas ambýlatorly emge jiberildi.
Aıta ketsek, atalǵan operasııaǵa hırýrg-endoskopıst B. Tanaýov, M. Taıshybaı jáne anestezıolog K. Shadıeva qatysty. Mundaı operasııalar MÁMS baǵdarlamasy aıasynda tegin júrgiziledi.