Nepalda bortynda 22 adamy bar ushaq joǵalyp ketti. Bul týraly Kathmandu Post gazeti jazdy, dep habarlaıdy Egemen.kz.
Nepal azamattyq avıasııa basqarmasynyń málimdemesine sáıkes, ushaq Pokhara áýejaıynan 9:55-te ushyp ketken, al baılanys 10:07-de joǵaldy. Ushaqty izdeý úshin tikushaq jiberildi, biraq aýa raıynyń qolaısyzdyǵyna baılanysty operasııa ázirge toqtap tur.
«Jergilikti turǵyndar ushaqty sońǵy ret kórgen aýdanda eldi mekender joq. Aýa raıy jaqsarǵannan keıin tikushaq áýe operasııasyn bastaıdy», dedi jergilikti bılik ókili Chıranjıbı Rana.
Ekıpaj quramyna úsh adam kiredi. Jolaýshylar arasynda 16 nepal, tórt úndi, eki nemis bar.