Atyraý oblystyq Sybaılas jemqorlyqqa qarsy qyzmeti joǵary suranysqa ıe memlekettik tirkeý nómeri belgilerin berýdiń sybaılas jemqorlyqqa qarsy monıtorıngin júrgizý kezinde bıýdjetke iri kólemde memlekettik bajdy tóleýden jaltarý faktilerin anyqtady, dep habarlaıdy Egemen.kz.
– Atap aıtqanda, 2019-2021 jyldary usynylǵan MTNB-dan 59 tulǵadan MTNB úshin 14 mln teńgeden astam mólsherinde memlekettik baj bıýdjetke túspegen, 78 tulǵadan 2,7 mln teńge mólsherinde memlekettik baj jetkiliksiz tólengen, al 52 qyzmet alýshy jalpy somasy 14,4 mln teńge memlekettik baj tóleýden negizsiz bosatylǵany anyqtaldy, – dedi Atyraý oblysy boıynsha sybaılas jemqorlyqqa qarsy qyzmet basshysynyń birinshi orynbasary Esqalı Salamatov.
Osylaısha, 2019-2021 jyldar kezeńindegi monıtorıng qorytyndysy boıynsha memleketke 31,5 mln teńgeden astam zalal keltirildi.