Sınoptıkter 2 maýsymǵa arnalǵan aýa raıy boljamyn jarııalady, dep habarlaıdy Egemen.kz.
«Qazaqstannyń basym bóligine Soltústik antısıklony áser ete bastaıdy – jaýyn-shashynnyń toqtap, aýa temperatýrasy tómendeıdi. Tek elimizdiń ońtústigi men shyǵysynda sıklon jyrasynyń áserinen jańbyr men naızaǵaı, burshaq, daýyl saqtalady. Respýblıka boıynsha jeldiń kúsheııýi, ońtústigi men ońtústik-batysynda shańdy daýyl, soltústik aýdandarda túnde jáne tańerteń tuman túsip, batysta, soltústik-batysta topyraq betinde úsik júredi», delingen «Qazgıdromet» RMK habarlamasynda.
Atap aıtqanda, Aqmola oblysynyń soltústigi men batysynda túnde jáne tańerteń tuman, kúndiz jel 15-20 m/s kúsheıedi.
Almaty oblysynyń soltústigi, ońtústigi men taýly aýdandarynda burshaq, daýyl bolyp, ońtústigi, shyǵysy men taýly aýdandarynda jel kúshi 15-20, kúndiz ekpini 25 m/s jetedi.
Kúndiz Túrkistan oblysynyń batysy, taýly, taý bókterli aýdandarynda daýyl soǵyp, jel kúshi 15-20, ekpini 23 m/s jetedi.
Túnde Batys Qazaqstan oblysynyń soltústiginde topyraq betinde 2 gradýs úsik júredi.
Kúndiz Mańǵystaý oblysynyń soltústiginde jel 15-20 m/s kúsheıip, shańdy daýyl soǵady.
Soltústik Qazaqstan oblysynyń soltústigi, shyǵysy, Qyzylorda oblysynyń soltústigi, ortalyǵy, kúndiz Qaraǵandy oblysynyń soltústik-shyǵysynda jel 15-20 m/s kúsheıip, Qyzylorda oblysynda shańdy daýyl soǵady.
Kúndiz Qostanaı oblysynyń soltústiginde jel 15-20 m/s kúsheıip, túnde soltústigi men batysynda topyraq betinde 2 gradýs úsik júredi.
Pavlodar oblysynyń ońtústiginde jel 15-20 m/s kúsheıip, túnde shyǵysynda tuman túsedi.
Shyǵys Qazaqstan oblysynyń soltústigi, ońtústigi men shyǵysynda burshaq, daýyl bolyp, soltústigi, ońtústigi men ortalyǵynda jel kúshi 15-20 m/s, kúndiz ekpini 25 m/s jetedi.
Jambyl oblysynyń ońtústigi men taýly aýdandarynda burshaq jaýyp, kúndiz soltústik-shyǵysy men taýly aýdandarynda jel ekpini 15-20 m/s jetedi.
Qyzylorda oblysynyń ortalyǵynda tótenshe órt qaýpi saqtalady.