Prezıdent Qasym-Jomart Toqaev referendýmda daýys bergennen keıin qazaqstandyqtardy úlken ózgerister kútip turǵanyn aıtty, dep habarlaıdy Egemen.kz.
«Alda úlken jumys bar. Búgin ózgerister engizýge daýys berip jatqan Konstıtýsııany iske asyrý kerek. Atap aıtsaq, partııalarǵa, Parlamentke qatysy bar zańnamalarǵa ózgeris engizilmek. Parlamentimiz bul mindetti abyroımen atqarady dep oılaımyn», dedi Memleket basshysy.
Prezıdent Qazaqstan halqy daýys berip jatqan túzetýler eldiń qoǵamdyq ómirine úlken ózgerister engizýdi kózdeıtinin atap ótti.
«Túptep kelgende memleket pen qoǵam arasyndaǵy qatynastyń paradıgmasy ózgeredi, adam quqyqtary birinshi orynǵa shyǵady. Bul - asa mańyzdy. Konstıtýsııada Adam quqyqtary jónindegi ombýdsmen jańa mártebege ıe bolady. Ombýdsmen Konstıtýsııalyq Sotqa júgine alady. Ol organ da biz úshin jańa ınstıtýt», dedi Qasym-Jomart Toqaev.
Memleket basshysy elordadaǵy Oqýshylar saraıynda ornalasqan №59 daýys berý ýchaskesine kelip, respýblıkalyq referendýmda óz tańdaýyn jasaǵanyn budan buryn habarlaǵan bolatynbyz. Keıin Q.Toqaev BAQ ókilderiniń suraqtaryna jaýap berdi.