Jalpyhalyqtyq referendýmǵa Jambyl oblysy, Jambyl aýdanynyń jurtshylyǵy da belsendi atsalysýda, dep habarlaıdy Egemen.kz.
Búgin aýdan ortalyǵy Asa aýylyndaǵy №166 referendým ýchaskesiniń saılaýshysy, 112 jastaǵy keıýana Kúlbaram Súgirova elimizdiń jarqyn bolashaǵy úshin daýys berdi. Kópti kórgen qart ana eldiń amandyǵyn, jurttyń tynyshtyǵyn tileıdi.
Búginde 112 jasqa kelgen Kúlbaram áje Jambyl oblysyndaǵy ǵana emes, elimizdegi eń qarııa ana. Qyrǵyz elinde týyp-ósken ol Asa aýylyna turmysqa shyqqan. Búginde ǵasyrdan astam jasap otyrǵan qarııa jastaıynan qyzylsha alqabynda jumys istep, eńbek maıdanyna aralasqan. Bul kúnde beınetiniń zeınetin kórýde. Áýlettiń aqylshysy, aq jaýlyqty ana urpaq tárbıesine de erekshe mán berip keledi. Joldasy ekeýi eki qyz tárbıelep, búginde 8 nemere men 15 shóberege jetip otyr.