Elimizdiń barlyq óńirindegi aýmaqtyq referendým komıssııalary el azamattarynyń daýysyn sanap jatyr, dep habarlaıdy Egemen.kz.
Esterińizge sala ketsek, astana ýaqytymen saǵat 20.00-de elimizdiń 12 óńirindegi 8 089 jáne 10 shet memlekettegi Qazaqstan elshilikteri janynan ashylǵan 12 referendým ýchaskesinde daýys berý aıaqtaldy.
Al saǵat 21.00-de Aqtóbe, Atyraý, Batys Qazaqstan, Mańǵystaý jáne Qyzylorda oblystaryndaǵy 1 858 ýchaskede óńir turǵyndary daýys berip boldy.
Sonymen qatar shet elderdegi 5 ýchaske de jumysyn toqtatty. Qazirgi ýaqytta shet elderdegi 48 ýchaskede ǵana daýys berý júrip jatyr.
Esterińizge sala ketsek, saǵat 20.00-degi jaǵdaı boıynsha 7 936 655 adam daýys berdi. Bul - daýys berý tizimine engizilgen azamattardyń 67,65 paıyzy. Al shetelde júrgen 5 100 otandasymyz óz tańdaýyn jasady.
Jalpy, elimiz boıynsha referendýmǵa qatysý múmkindigi jáne quqyǵy bar azamattardyń tizimine 11 732 699 adam engizilgen bolatyn. Olar 10 012 referendým ýchaskesinde daýys berdi.
Sondaı-aq sheteldegi otandastarymyz úshin 52 memlekettegi Qazaqstan elshilikteriniń janynan 65 referendým ýchaskesi uıymdastyryldy.