Exit poll jarııalaǵan nátıjege qaraǵanda, qazaqstandyqtardyń 79,4%-y Ata zańǵa engiziletin túzetýler men ózgertýlerdi qoldap daýys berdi. Bul jaıynda «Demokratııa ınstıtýty» ǵylymı-zertteý qaýymdastyǵy» qoǵamdyq birlestiginiń dırektory Tatıana Basharına málimdedi, dep habarlaıdy Egemen.kz.
«Demokratııa ınstıtýty» ǵylymı-zertteý qaýymdastyǵy» qoǵamdyq birlestigi saılaý ýchaskeleriniń shyǵa berisinde Exit poll ótkizdi. Saýalnama alý 375 ýchaskede, onyń ishinde 225 qalalyq jáne 150 aýyldyq referendým ýchaskesinde júrgizildi. 15 myńnan adamnan saýalnama alyndy. Zertteý qorytyndysynyń qateligi 2,7 paıyzdy quraıdy. Demokratııa ınstıtýty Exit poll birinshi ret ótkizip otyrǵan joq. Ol Qazaqstanda 2007 jyldan bergi saılaý naýqandary kezinde beıimdelgen ádisteme arqyly júrgizildi», dedi birlestik dırektory KTK telearnasynyń tikeleı efırinen.
Onyń aıtýynsha, saılaý ýchaskeleriniń shyǵa berisinde daýys berýshilerge birlestiktiń saýalnama alýshylary «Siz Konstıtýsııaǵa engiziletin ózgeristerdi qoldap álde qarsy daýys berdińiz be?» degen suraq qoıǵan. Sonymen qatar suhbat alýshylar daýys berýshilerdiń belsendiligin de tirkegen.
«Exit poll qorytyndysy boıynsha referendýmǵa qatysý 66,3%-dy qurady. Jaqtap daýys bergender - 79,4%, al qarsy bolǵandar - 20,6%», dedi Tatıana Basharına.