Maýsymnyń 1-9 aralyǵynda Brazılııada ótken halyqaralyq Olhar de Cinema kınofestıvaliniń «Basqa kózqarastar» baǵdarlamasyna qatysqan rejısser Dárejan О́mirbaevtyń «Aqyn» fılmi «Úzdik fılm» júldesimen marapattaldy, dep habarlaıdy Egemen.kz.
10 elden 8 kınotýyndy qatysqan bul baǵdarlama sheńberinde dúnıejúzinde túsirilgen jańa kartınalar men basqa festıvalderde úzdik nátıje kórsetken fılmder kórsetiledi.
«Aqyn» fılmi Qazaqstannan tys jerlerde, sonaý Brazılııada kórsetilip, jyly qabyldanyp jatqanyna qýanyshtymyn. Fılmdi túsirgende bar kúshińdi salyp, óz maqsatyńa adal bolsań ǵana kórermenniń kóńilinen shyǵýǵa bolady degen oıdy taǵy da bir dáleldeı túskendeı. Osy fılmniń túsirilýine atsalysqan barlyq jandardy quttyqtaımyn. Jańa kórsetilimder men jańa júldelerdi asyǵa kútemiz», dedi Dárejan О́mirbaev.
Sonymen qatar Parıjdegi «Jorj Pompıdý ortalyǵy» zamanaýı óner mýzeıinde Halyqaralyq Berlın kınofestıvaliniń úzdik fılmder kórsetilimi uıymdastyrylyp, olardyń qatarynda kórermen nazaryna «Aqyn» fılmi de usynylady. Bul týraly kınotýyndynyń prodıýseri Iýlııa Kım habarlady. Aıta ketsek, La Berlinale à Paris baǵdarlamasyn Berlın kınofestıvaliniń art-dırektory Karlo Shatrın jáne Pompıdý mýzeıiniń dıreksııasy qurastyrǵan. Kórsetilimder maýsymnyń 10 men 26 aralyǵynda ótedi.
Mádenıet jáne sport mınıstrligi tapsyrysy boıynsha túsirilgen «Aqyn» fılmi 18 maýsym kúni jergilikti ýaqyt boıynsha saǵat 17:00-de kórsetiledi. Bıletterdi La Berlinale à Paris saıtynda satyp alýǵa bolady.