Jalpy quryltaı degenimiz – qazaqtyń dúnıesine, bolmysyna jaqyn qubylystardyń biri. Ulttyq quryltaı degen uǵymnyń ózi qazaq halqyna jaqyn, jyly sóz. Bul – eldi biriktiretin sóz. Sebebi bul uǵymda dala demokratııasynyń ajyramas bir bóligi jatyr.
Kezinde tarıhymyzda el basyna kún týǵan zamanda eldiń betke ustar azamattary jınalyp, quryltaıda elde týyndaǵan máselelerdi kóterip, der kezinde sheship otyrǵan. Sondyqtan da bul dala demokratııasyna jatatyn qazaqqa jaqyn dúnıelerdiń biri.
Qazirgi qurylyp jatqan quryltaıdyń jaýapkershiligi orasan, odan halyqtyń kútip otyrǵan úmiti de zor. Búgingi tańda álemdegi geosaıası jaǵdaı da kúrdeli. Memleketimizde «Ekinshi respýblıka», «Jańa Qazaqstan» uǵymdary paıda bolyp, reformalar júrip jatyr. Osyndaı kezeńde eldi tolǵandyrǵan máseleler quryltaıda elge tanymal tulǵalarmen kóterilip, sheshilgeni – birligimizdi arttyratyn durys baǵyttardyń biri. Quryltaı quramyna engen tulǵalardyń tizimin qarasańyz, ártúrli salanyń ókilderi bar, ǵalymdar da, depýtattar da, jas saıasattanýshylar da, qoǵam belsendileri de, jalpy elge tanymal adamdar osy quryltaıǵa múshe boldy. Osy jerde elimizdi tolǵandyryp júrgen máselelerdiń barlyǵy quryltaıda kóterilip, naqty sheshý joldary usynylyp, Úkimetpen tyǵyz jumys istep, olar tarapynan tıisti is-sharalar qabyldanatyn, túıtkildi máseleler sheshiletin bir qurylym bolary sózsiz.
Memleket basshysynyń bastamasymen qurylǵannan keıin Ulttyq quryltaıdyń Qazaqstan zańdarynyń sheńberinde naqty áreket etetin múmkindikteri paıda bolady. Quryltaıda qazirgi kezdegi ekonomıkalyq máseleler, qoǵamdyq úılesim, Jańa Qazaqstan qaı baǵytta damýy kerek, elimizdegi áleýmettik máseleler qarastyrylyp, Prezıdent janyndaǵy konsýltatıvtik-keńesshi organ Qazaqstannyń uzaqmerzimdi damý perspektıvalaryn anyqtaıtyn qurylymǵa aınalady dep senemin.
Baýyrjan SERIKBAEV,
saıasattanýshy