Qarjylyq monıtorıng agenttiginiń Soltústik Qazaqstan oblysy boıynsha aýmaqtyq departamenti antısanıtarııalyq jaǵdaıda qoldan jasalǵan alkogoldik ónimderdi óndiretin jasyryn seh qyzmetiniń jolyn kesti, dep habarlaıdy Egemen.kz.
Vedomstvonyń málimetinshe, Petropavl qalasynyń turǵyny qala ortalyǵyndaǵy garaj kooperatıvteriniń birinde sýrrogat ónimin jasap, halyqqa ótkizgen.
«Tintý kezinde jalǵan esepke alý-baqylaý tańbalary bar 8 myńnan astam alkogol ónimi jáne quramynda spırti bar suıyqtyq quıylǵan 600-ge jýyq bes lıtrlik plastık ydystar, sondaı-aq bos ydystar, qaqpaqtar, hosh ıistendirgish konsentrat pen sýrrogat toltyrýǵa arnalǵan arnaıy qurylǵy tabylyp, tárkilendi», dep jazdy agenttikten.
Atalǵan fakti boıynsha sotqa deıingi tergeý bastaldy.